位於尖沙咀嘅韓國料理OPPA Coffee Bar Restaurant，名乎其實由2位韓國oppa經營。餐廳佈置簡約舒適，木製枱凳仲有少少校園嘅感覺。
一定要試呢度嘅皇牌火山蛋漿熔岩炒飯，聽個名都夠哂震撼。上菜嘅時候係成碟鐵板送上，職員會當場倒蛋漿以及落大量芝士碎粒。然後就用火槍噴射成碟炒飯，成個過程好似表現咁。大約一分鐘左右，見到炒飯上面出現少少火炙嘅效果，芝士都處於半熔嘅狀態。呢個時候，職員就會將所有食材搞拌，果然係色、香、味俱全。拉絲效果好磅，食落口每一啖都好足料，非常推薦大家！
食韓國野當然唔少得炸雞，呢度嘅正宗韓式炸雞有幾款味道可以揀，我就點左半份蜜糖牛油味，唔好睇少半份，兩個人食都已經好飽。咬落外脆內軟，全部都係新鮮炸起，真係食唔停口，另外仲附送薯條。紫菜包飯都係份量十足，餡料豐富，飯嘅口感軟綿綿，包住爽脆嘅餡料，滋味十足。
OPPA Coffee Bar Restaurant (尖沙咀)
尖沙咀金巴利街1號F地鋪
OPPA Coffee Bar Restaurant 오빠커피바
#oppacoffeebarrestaurant #hkfoodie
Search